Հայաստանի զբոսաշրջության ոլորտի ներկայացուցիչները Հայոց Բանակի օրվա կապակցությամբ (Հունվարի 28) քաղցրավենիք եւ այլ անհրաժեշտ իրեր կուղարկեն սահմանամերձ զորամասեր:
Այս պահին համախմբվել են 50 կազմակերպություն, կազմակերպիչը ակնկալում է համախմբել տուրիստական ոլորտի եւս 50 կազմակերպություն:
Հորդորում ենք տարբեր ոլորտների ներկայացուցիչներին անմասն չմնալ եւ նմանատիպ ֆլեշմոբ կազմակերպել իրենց շրջանակներում: Սա ամենաքիչն է, ինչ մենք կարող ենք անել մեր սահմանները պաշտպանող Հայ Զինվորի համար, ցույց տալով իրենց, որ մենք՝ հասարակ հայ քաղաքացիներս, սատար ենք մեր Հայ Զինվորներին:
Այն տուրիստական կազմակերպությունների ցանկը, որոնք սիրով մասնակցեցին մեր նախաձեռնությանը, կներկայացնենք ակցիայի վերջում, ինչպես նաեւ կներկայացնենք ֆոտոներ եւ մանրամասն հաշվետվություն ուղարկված ապրանքների վերաբերյալ:
