ՀՔԱ Վանաձորի գրասենյակը մարդու իրավունքների պաշտպանության նպատակով տեղեկատվական բնույթի հարցումներ է ուղարկում պետական տարբեր կառույցներին, տարածքային և տեղական ինքնակառավարման մարմիններին` համաձայն ՀՀ «Տեղեկատվության ազատության մասին» օրենքի: Ստացված տեղեկատվությունն օգտագործվում է կազմակերպություն դիմած քաղաքացիների խախտված իրավունքների վերականգնման կամ նրանց իրավունքի իրականացմանն ուղղված իրավական խորհրդատվության շրջանակներում: Այս տեսակետից կարևոր նշանակություն ունի պետական կառույցների, տարածքային և տեղական ինքնակառավարման մարմինների կողմից «Տեղեկատվության ազատության մասին» օրենքով սահմանված պահանջների կատարումը, օրենքով սահմանված ժամկետներում տեղեկատվության տրամադրումը: Սույն ուսումնասիրությամբ ներկայացվում է նշված մարմինների կողմից «Տեղեկատվության ազատության մասին» ՀՀ օրենքի կատարման վիճակը՝ ըստ կազմակերպության կողմից տեղեկատվական հարցումների և նրանց տրված պատասխանների:
Տեղեկանքն ամբողջությամբ՝ այստեղ
Հելսինկյան Քաղաքացիական Ասամբլեայի Վանաձորի գրասենյակ