«Էսօր մեր երկիրը պլինտուսի մակարդակի է: Մենք կարող ենք հայրենասիրական խոսքեր ասել՝ պաթոսով, բայց դրանք դատարկ խոսքեր են, կա իրականություն: Կա ռեալ, դաժան իրականություն»,- այսօր ԱԺ հայտարարությունների ժամին ասաց ՀԱԿ խմբակցության պատգամավոր Հրանտ Բագրատյանը:
Նրա խոսքերով՝ «2014-ի դեկտեմբերին ԿԲ-ն, առանց հիմնավորելու, բանկերի կանոնադրական կապիտալը բարձրացրեց 5-ից 30 մլրդ: Այսօր արդեն փակված բանկ ունենք: Ես զգուշացրել եմ ֆինանսաբյուջետային հանձնաժողովին, երկու անգամ եղել եմ, ես արդեն չեմ ուզում գնամ էդ հանձնաժողով: Ճիշտ է, նախագահն ինքը բարեհամբույր է, բայց ԿԲ-ից մի հատ դեմագոգ է գալիս, ասում ա մի անհեթեթություն: Անիմաստ է գնալ, խոսել:
Եղբայր, չի՞ կարելի ունել փոքր բանկային բիզնես: Ինչի՞ ՌԴ-ում 3 մլն-ով կարող ես բանկ ունենալ, ստեղ 70 մլն-ով չես կարող: Մեզ ասում են՝ դա հուսալիության համար է: Ինչի՞ պիտի փոքր բանկ չլինի, մտածողության պրիմիտիվությունն ինձ զարմացնում է: Էսօր 25 տոկոս է վարկը, ես պիտի տոկոսը բարձրանամ, որ էդ փողերը տամ, չէ՞ որ կանոնադրական կապիտալ են բարձրացնում»:
Նախագահը, վարչապետը պետք է ԿԲ նախագահին իր սխալի համար պատժեն, պետք եղավ՝ հեռացնեն աշխատանքից. «Դուք խա՞ղ եք անում տնտեսության հետ»:
Կարդացեք նաև
Հռիփսիմե ՋԵԲԵՋՅԱՆ
