Կրթության եւ գիտության նորանշանակ նախարար Լեւոն Մկրտչյանն այսօր կառավարության նիստից հետո լրագրողների այն դիտարկմանը, թե առաջին դեպքը չէ, որ ՀՅԴ-ն իշխանությունների հետ կոալիցիա է կազմում եւ այդ համագործակցությունը չի հաջողվում, քանի որ ՀՀԿ-ն իր կուրսն է առաջ տանում, եւ հարցին, թե այս անգամ երաշխիքը որն է, որ հաջողվելու է, ասաց. «Ես չեմ կարծում, որ պետք է խոսենք բացարձակ հաջողության եւ անհաջողության մասին: Եթե մեր երկիրը քսան տարիների ընթացքում բացարձակ ծանր վիճակից ունի որոշակի արդյունքներ, ունենք բացթողումներ, հիմա ցանկացած կոալիցիա իր քաղաքական շարժումն է, ցանկացած կոալիցիա, իր հիմքում համագործակցություն ունի, որը ունի որոշակի քաղաքական եւ կոնկրետ խնդիրներ: Հիմա այդ խնդիրների մի զգալի մասը կհաջողվի՞ լուծել, այն ինչը, որ չի հաջողվի պիտի թողնես շարունակության վրա, այս իմաստով, եթե նայենք ցանկացած քաղաքական գործընթացից հետո Հայաստանի Հանրապետությունում որոշակի արդյունք արձանագրվել է, հակառակ պարագայում մենք հիմա այսօր չէինք ունենա այս հանրապետությունը»:
Լեւոն Մկրտչյանի խոսքի շարունակությունը` տեսանյութում
Լուսինե ԲՈՒԴԱՂՅԱՆ