Վերջին օրերին «Ֆեյսբուք» սոցիալական ցանցում Ազգային ժողովի պատգամավոր, Վերակազմյալ սոցիալ-դեմոկրատ հնչակյան կուսակցության ատենապետ Լյուդմիլա Սարգսյանի անունով ապօրինաբար բացվել է կեղծ էջ, որտեղ տեղադրվում և տարածվում են նրան վերագրվող կեղծ նյութեր և հայտարարություներ: Ամենայն պատասխանատվությամբ հայտարարում ենք, որ Լյուդմիլա Սարգսյանը որևէ առնչություն չունի «Ֆեյսբուք» սոցիալական ցանցում բացված վերոնշյալ էջի հետ, և այդ էջում տեղադրվող և տարածվող նրան վերաբերող տեղեկատվությունը կեղծիք է և հորինվածք: Ավելին՝ Լյուդմիլա Սարգսյանը գրանցված չէ որևէ սոցիալական ցանցում:
Մեր խորը վրդովմունքն ենք հայտնում այս հակաօրինական և հակաբարոյական արարքի կապակցությամբ, որով փորձ է արվում ոտնահարել Լյուդմիլա Սարգսյանի՝ որպես պետական պաշտոնյայի և քաղաքական գործչի պատիվն ու բարի համբավը:
Վերակազմյալ սոցիալ-դեմոկրատ հնչակյան կուսակցության կենտրոնական վարչությունը և Լյուդմիլա Սարգսյանը գործադրելու են բոլոր օրինական միջոցները և դիմելու են պատկան մարմիններին այս արարքի հեղինակներին հայտնաբերելու և պատասխանատվության ենթարկելու համար:
Կարդացեք նաև
Վերակազմյալ սոցիալ-դեմոկրատ հնչակյան
կուսակցության կենտրոնական վարչություն
