ՀՀ կենտրոնական բանկի խորհուրդը երեկ իր նիստում որոշել է 0.25 տոկոսով նվազեցնել վերաֆինանսավորման տոկոսադրույքը և սահմանել է այն 8.25 տոկոս։
Ֆինանսատնտեսական մասնագիտական քննարկումներից հեոու մեր ընթերցողին այս իրադարձությունը կթվա ոչ էական, իր հետ կապ չունեցող։ Իրականում, սակայն, սա շատ էական, երկրի տնտեսության վրա ազդող, յուրաքանչյուր հայաստանցու կենցաղին վերաբերող իրադարձություն է:
Եվ ուրեմն, ինչ է նշանակում ԿԲ խորհրդի այղ որոշումը։ Դա նշանակում է, որ տնտեսվարողներին տրամադրվող բիզնես վարկերի և քաղաքացիներին տրամադրվող սպառողական վարկերի տոկոսադրույքները էականորեն չեն նվազի եւ կշարունակեն մնալ բարձր՝ չափազանց բարձր, աստղաբաշխականորեն բարձր։
Իսկ դա էլ իր հերթին նշանակում է, որ տնտեսության «արյան շրջանառությունը» կշարունակի մնալ ցածր, շատ ցածր։ Տնտեսվարողների թվի մեջ իրենց քանակով տասնորդական տոկոսներ զբաղեցնող օլիգարխները բիզնես վարելու համար նոր ու երկարատև վարկերի մեծ կարիք չունեն, նրանց շրջանառությունը այնքան մեծ է, որ կարողանում են յոլա գնալ առանց այդպիսի վարկերի։ Վարկերը անհրաժեշտ են «փոքր», համապատասխան «կռիշ» չունեցող, մի կերպ ծայրը ծայրին հասցնող, տունուտեղը գրավադրած տնտեսվարողներին։ Վերջիններիս գործունեությունը գրեթե ամբողջությամբ կախված է այդ վարկերից։
Կարդացեք նաև
Հարուստները, որոնք մեր բնակչության մոտ երկու տոկոսն են կազմում, տան համար հեռուստացույց, սառնարան, կահույք գնելու, երեխաների ուսման վարձ ու բուժման ծախսեր հոգալու համար սպառողական վարկեր չեն վերցնում։ Սպառողական վարկերի կարիքն ունեն միջին ու միջինից ցածր եկամուտներ ունեցող մեր քաղաքացիները, որոնք բնակչության մեծագույն մասն են կազմում։ Ու այս պարագայում վարկերի տոկոսները ուղղակի փշաքաղեցնող են։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
