«Այս օրերին ՀՀ նախագահը օրակարգ եկած եւ հասարակությանը հուզող շատ հարցերի պատասխաններ է տվել: Եվ ձեր նշած հրամանագրերն էլ, ըստ ամենայնի, ընկալվում են այդ համատեքստում»,-պատասխանելով Aravot.am-ի այն հարցին, թե ինչպե՞ս կմեկնաբանի նախագահ Սերժ Սարգսյանի հրամանագրերը, ըստ որոնց պաշտոնից ազատվում են ԶՈՒ կապի զորքերի պետ–կապի եւ ավտոմատացված կառավարման համակարգերի վարչության պետ Կոմիտաս Մուրադյանը, զինված ուժերի գլխավոր շտաբի հետախուզության վարչության պետ Արշակ Կարապետյանը եւ պաշտպանության նախարարի տեղակալ Ալիկ Միրզաբեկյանը՝ ասաց ՀՀ պաշտպանության նախարարին առընթեր հասարակական խորհրդի նախագահ Գեղամ Հարությունյանը:
Պարոն Հարությունյանից հետաքրքրվել էինք, թե այդ որոշումներով, իսկապես, հաստատվո՞ւմ են այն լուրերը, որ պաշտպանության նախարարության մի շարք պաշտոնյաներ ապրիլի 1-2-ի գիշերը Ադրբեջանի հրահրմամբ տեղի ունեցած ռազմական գործողություններում թերացել են իրենց աշխատանքում:
Մեր այն հարցին էլ, թե Aravot.am-ն ուսումնասիրելով ՊՆ բարձրաստիճան պաշտոնյաների հայտարարագրերը, պարզել էր, որ օրինակ, ամենահարուստ փոխնախարարը, համենայնդեպս, ըստ պաշտոնական հայտարարագրերի, ՊՆ նյութատեխնիկական ապահովման դեպարտամենտի պետ, պաշտպանության նախարարի տեղակալ Ալիկ Միրզաբեկյանն է
Կարդացեք նաև
Հնարավո՞ր է, որ այս փաստն էլ պատճառ հանդիսանար փոխնախարարի պաշտոնանկության, պարոն Հարությունյանը չմեկնաբանեց:
Լուսինե ԲՈՒԴԱՂՅԱՆ
