Այսօր ՄԱԱ-ում հրավիրած ասուլիսում ՀՀԿ փոխնախագահ Արմեն Աշոտյանը հարցին՝ Դուք տեղյա՞կ էիք, որ Կազանի փաստաթղթից բխող հետեւանքներին իշխանությունները պատրաստ են եղել 2011-ին՝ պատասխանեց. «Բանակցային գործընթացում սկզբունքները երբեք գաղտնի չեն եղել, գաղտնիք կարող են լինել դետալները: Մադրիդյան սկզբունքների 3 կարեւորագույն սկզբունքների հիման վրա ձեւավորվում էր օրակարգ, որի շուրջ կողմերը կարող էին գալ համաձայնության: Այդ 3 սկզբունքները վաղուց բարձրացված են եղել՝ անվտանգության երաշխիքներ, տարածքային ամբողջականություն եւ ժողովրդի ինքնորոշման իրավունք»:
Նա ասաց, որ դիվանագիտական բանակցությունները ռեալիթի շոու չեն եւ դիվանագետներն առցանց ռեժիմով չեն պատմում ամեն ինչ. «Դիվանագիտական աշխատանքը պահանջում է որոշակի կանոնների պահպանում, հանրայնացման որոշակի աստիճան. «Իհարկե, «Բլումբերգի» հարցազրույցը շատ հետաքրքիր էր եւ գալիս է ապացուցելու, որ մենք գործ ունենք ուժեղացած պետությունների՝ ՀՀ եւ ԼՂՀ՝ որպես մեկ ռազմաքաղաքական միավորի, ուժեղ ղեկավարի հետ»:
Հռիփսիմե ՋԵԲԵՋՅԱՆ
