ԱՄՆ նախագահ Բարաք Օբաման հոդված է հրապարակել ամերիկյան The Washington Post-ում, որտեղ անդրադարձել է ԱՄՆ-ի ներքին և արտաքին քաղաքականությանը վերաբերող մի շարք հարցերի։
Իր հոդվածում ԱՄՆ նախագահ Օբաման ընդգծել է, որ ԱՄՆ-ն և իր գործընկերներն են, որ պետք է սահմանեն համաշխարհային առևտրի կանոնները, ոչ թե այլ՝ երրորդ երկրները, այդ թվում, Չինաստանը։
Իր հեղինակած հոդվածում ԱՄՆ նախագահը գրում է. «ԱՄՆ-ն պետք է կանոններ սահմանի, ԱՄՆ-ն պետք է որոշումներ կայացնի, իսկ մյուս պետությունները պետք է խաղան այն կանոններով, որոնք կսահմանեն ԱՄՆ-ն և նրա գործընկերները և ոչ թե հակառակը»։
Հոդվածում ԱՄՆ նախագահը անդրադարձել է նաև ԱՄՆ-ի ներկայիս իրավիճակին. «Երբ ավելի պակասում է աղքատությունից տառապող մարդկանց քանակը, երբ մեր առևտրային գործընկերները բարգավաճում են, Ամերիկան դառնում է ավելի ուժեղ, և նրա անվտանգության մակարդակն ավելի է բարձրանում»։
