Քաղաքացիների մի խումբ կա, որն ամեն հինգշաբթի կառավարության հետնամուտքում նիստի եկող պաշտոնյաներին է սպասում: Նրանք, սակայն, պաշտոնյաներից ոչ թե իրենց հուզող հարցերի պատասխաններն են ուզում՝ հասկանալով, որ անօգուտ գործ է, այլ գումար: Չինովնիկներն էլ գերադասում են գումար տալ, գլուխներն ազատել, քան լսել ու նրանց խնդիրներով զբաղվել:
Պաշտոնյաներին սպասող կանայք «իրենց տարածքում» չեն հանդուրժում կոնկրետ բողոքով քաղաքացիների, որոնք փորձում են այս կամ այն նախարարի հանդիպել՝ հարցը բարձրացնելու համար, եւ նրանց ուղարկում են կառավարության առջեւի մասում դժգոհությունը հայտնելու:
Լուսանկարը՝ ԼՈՒՍԻՆԵ ԲՈՒԴԱՂՅԱՆԻ
«Առավոտ» օրաթերթ
24.05.2016
