«Ինձ համար ցավալի է՝ բացի երկու քաղաքական ուժերից, մնացածը՝ հիմնականում ոչ միայն իշխանական քաղաքական ուժերը, ընդհանուր բաներ են ասում, որ գիտեք՝ մենք կսպասենք, դատարանը ցույց կտա, գործընթացը նոր է գնում, չենք կարող որեւէ գնահատական տալ, կարծես երկնքից են իջել եւ չգիտեն Հայաստանում ինչ դատաիրավական համակարգ կա, եւ այդ դատաիրավական համակարգը գործում է միայն օրենքին համապատասխան»,- հունիսի 22-ին «Հայելի» մամուլի ակումբում լրագրողների հետ հանդիպման ընթացքում, անդրադառնալով Ժիրայր Սեֆիլյանի ձերբակալությանը, ասաց իրավապաշտպան Ավետիք Իշխանյանը:
Նա համարում է, որ քաղաքական ուժերը չեն աջակցում ընդդիմադիր գործիչին, որի նկատմամբ քաղաքական հալածանքներ են սկսում. «Ես չեմ սպասելու, թե ինչպիսինն է լինելու դատական գործընթացը, ինչ գործողություններ կկատարվեն, ես վստահ եմ, որ քաղաքական հետապնդում է, եթե ես սխալվեմ, ներողություն կխնդրեմ: Նախ, սա արդեն երրորդ անգամ է, որ Ժիրայր Սեֆիլյանին ազատազրկում են: Առաջին անգամ, որ նրան ազատազրկեցին 2006 թվականին, եթե ես չեմ սխալվում, կոչի համար՝ սահմանադրական կարգը բռնի ուժով տապալելու, ինչը վիճահարույց հարց է, եւ դրա համար 4, թե 5 տարի տվեցին, արդյոք սա քաղաքական հետապնդո՞ւմ չէր:
Եվ երեկ իշխանության ներկայացուցիչներից մեկն ասում է, նա երրորդ անգամ հանցագործություն է գործում: Լա՛վ, ենթադրենք առաջին անգամ դատարանը որոշել էր, երկրորդ անգամ անցած տարի իբր զանգվածային անկարգություններ կազմակերպելու նպատակով բռնեցին, դա հանցագործությո՞ւն էր, դատական վճիռ չկա, ինչո՞ւ եք մարդուն ասում, որ երրորդ անգամ հանցագործություն է սկսվում»:
Կարդացեք նաև
Ըստ Ավետիք Իշխանյանի, քաղաքական հալածանքներ են տեղի ունենում մի մարդու նկատմամբ, որը չի հարմարվում եւ չի համակերպվում, ինչպես մնացած քաղաքական ուժերը:
Անդրադառնալով ձերբակալության վարկածներին՝ նա նշեց, որ անմեղության կանխավարկածի խախտում է համարում այն հայտարարությունը, թե իբր Ժիրայր Սեֆիլյանը պատրաստվել է շենքեր գրավել. «Ես ձեզ վստահաբար եմ ասում՝ Ժիրայր Սեֆիլյանն իր այս գործողություններով, որ արդեն սկսել էր անցած տարվանից՝ նրա հիմնական սկզբունքը քաղաքացիական անհնազանդությունն էր, երբեք ուժի չդիմել:
Նա ասում էր, եթե մենք հանկարծ ուժի դիմենք, ապա մենք մտնում ենք իշխանությունների դաշտը, նրա սկզբունքն էր քաղաքացիական անհնազանդությունը, եւ այս ամենը ես վստահ եմ, որ սարքովի է, շինծու է, կեղծ է նրա նկատմամբ կատարված ամեն ինչը: Սա հատուկ ծառայությունների կողմից ծրագրված գործողություն է եղել, որ ինչ-որ մեկը նրա վրա ցուցմունք տա»:
Ամի ՉԻՉԱԿՅԱՆ
Ընկեր ուզուրպատորներ, Հայաստանը միայն ձերը չէ, որ ինչ ուզեք անեք, ինչպես ուզեք
թալանեք: Հայաստանում,բացի ձեզնից, ապրում է մի ազնվազարմ ժողովուրդ,որին զրկել եք
արժանապատիվ աշխատանքով ապրելու, պատվով երեխաներ մեեծացնելու ու դաստիարակելու
հնարավորությունից: Դրանով իսկ վտանգում եք համայն հայության գերակա շահերը՝ մշուշով
պատելով հայ ժողովրդի զարգացման բնականոն ընթացքը իր իսկ հայրենիքում և համայն
սփյուռքում:Մի բռնաբարեք ազատ խոսքը, միտքը՝ փակելով նրա կրողներին ֆիզիկապես:
Ավելի ճիշտ կանեք խոհեմաբար հետևություն անել և ձեր սեփականությունը չհանդիսացող
աթոռները քայլ առ քայլ զիջեք ավելի արժանավորներին: Նրանց, ովքեր հայ ժողովրդի նավը
բարեհաջող տեղ կհասցնեն և կհանեն դեպի ապագա տանող մայրուղի:Եթե չանեք կամովին,
մեկ է, մի գեղեցիկ օր ողջ հայությունը ստիպված կլինի մտնել ազգային-ազատագրական պայքարի մեջ: Այդ ժամանակ ձեզ համար շատ ուշ կլինի ապաշխարել:
Հեռացեք,աստծու սիրուն, քանի ուշ չի: