Համաշխարհային բանկի (ՀԲ) նախաձեռնությամբ այսօր հերթական աշխատաժողովն է անցկացվել՝ նվիրված Հայաստանի հանքարդյունահանման ոլորտին։
Աշխատաժողովում քննարկվում էին ոլորտի կայուն զարգացման հեռանկարները: Այն լուսաբանման համար փակ էր:
Աշխատաժողովին հրավիրված մի խումբ բնապահպան ակտիվիստներ բոյկոտել էին հանդիպումը՝ չմասնակցելով եւ զուգահեռ աշխատաժողովին, բողոքի ցույց էին անցկացնում:
Կարդացեք նաև
«Ուղղակի մասնակցություն ապահովելու համար են հրավիրել, ու քանի որ գիտակցում ենք, որ, ըստ էության, չենք կարողանա այս եղանակով որոշումների վրա ազդել, անիմաստ ենք համարում այս քննարկումներին մասնակցել»,- մեզ հետ զրույցում ասաց բնապահպանական ճակատի ներկայացուցիչ Լեւոն Գալստյանը:
Ըստ նրա, ՀԲ-ի սնուցած վարկերով ու դրամաշնորհներով Հայաստանում զարգանում է կոռումպացված համակարգը, ժողովուրդն ավելի աղքատացման է գնում. «Հանքարդյունաբերության ոլորտում ունենք անընդհատ բարձրացվող խնդիրներ ու զրո արդյունք դրանց խնդիրները գտնելու առումով»:
Այս աշխատաժողովին էին եկել մասնակցելու բնապահպանության ու էներգետիկայի եւ բնական պաշարների նախարարության ներկայացուցիչներ: Նրանք հրաժարվեցին մեր հարցերին պատասխանել, նույնիսկ ներկայանալ:
Արփինե ՍԻՄՈՆՅԱՆ
Մանրամասները՝ շուտով տեսանյութում
