Ուկրաինայի նախագահ Պյոտր Պորոշենկոն հայտարարել է, որ կողմ է երկրի Սահմանադրության փոփոխությունների փաթեթին, որը նախատեսում է նաև ինքնավարության ընձեռում Ղրիմի թաթարների համար՝ ազատ և ինքնիշխան Ուկրաինայի կազմում։ Այս մասին տեղեկացնում է ռուսական Vesti-ukr.com -ն։
Իր խոսքում Պորոշենկոն մասնավորապես ասել է. «Այդ փոփոխությունները բխում են Ղրիմի թաթարների՝ ինքնիշխան Ուկրաինայի կազմում ինքնորոշման անքակտելի իրավունքից»։
Ելույթի ընթացքում Պորոշենկոն նշել է նաև, որ Ղրիմը շարունակում է հանդիսանալ Ուկրաինայի անբաժան մասը։
