Նա հույս հայտնեց, որ ԵԱՀԿ խորհրդարանական վեհաժողովը հաշվի կառնի ադրբեջանական կողմի ուղղումները եւս
ԵԱՀԿ խորհրդարանական վեհաժողովում հուլիսի 2-ին ելույթ ունեցավ նաեւ ադրբեջանցի պատգամավոր Բահար Մուրադովան: Վերջինս անդրադարձավ Մարգարեթ Սեդերֆելթի ներկայացրած բանաձեւի նախագծին եւ Հայաստանի Հանրապետության Ազգային ժողովի պատգամավոր Արտաշես Գեղամյանի ելույթին:
Նա նշեց, որ Ադրբեջանը իսկապես ցանկանում է Լեռնային Ղարաբաղի հակամարտության կարգավորումը եւ հայտարարեց, որ չի պատասխանի իր խոսքերով իր չակերտավոր ընկերոջ հայտարարություններին:
Հիշեցնենք, որ Արտաշես Գեղամյանը հայտարարել էր, որ հայկական պատվիրակությունը հատուկ ԵԱՀԿ խորհրդարանական վեհաժողովում չի տարածել բարբարոսական նկարները: Գեղամյանը նաեւ ասել էր, որ Իսլամական պետության ձեռագիրն է տեսնում:
Կարդացեք նաև
«Զեկույցի ոճը եւ նրա բարձրացրած խնդիրները շատ կարեւոր եւ նշանակալից են: Ճիշտ եմ համարում այն, որ ուշադրություն եք հրավիրում այն հանգամանքին, որ հանրապետությունների միջեւ վստահությունը նվազել է: Հարցերի ավելացման պատճառով հնարավոր չէ հասնել կոնսենսուսի: Իհարկե՛, պետք է շատ աշխատել, որպեսզի այս փակուղուց դուրս գանք»,- ասաց նա:
Բահար Մուրադովան խոսելով Ադրբեջանի գրավյալ տարածքների եւ Եվրոպայի անվտանգության մասին հույս հայտնեց, որ ԵԱՀԿ խորհրդարանական վեհաժողովը հաշվի կառնի ադրբեջանական կողմի ուղղումները եւս:
Ամի ՉԻՉԱԿՅԱՆ
