«ՊՊԾ գնդի գրավման պատճառների հիմքում օրենքի բացակայությունն է»,-կարծում է տնտեսագետ Ռաֆայել Հովհաննիսյանը:
«Նոյան Տապան» լրատվական կենտրոնում այսօր լրագրողների հետ հանդիպման ժամանակ նա ասաց, որ իշխանությունները ոչ մի բանում հաշվետու չեն ժողովրդի հանդեպ, անօրինությունների հետեւանքով հանրության շրջանում արդարության բացակայության զգացում կա: Տնտեսագետը հիշեցրեց, որ դեռեւս դեկտեմբերին ԵՄ-ի կողմից ՀՀ իրավապահ մարմիններին, մասնավորապես` ԱԱԾ-ին եւ Ոստիկանությանը հատկացվել է 15 միլիոն դոլարի դրամաշնորհ` պայմանով, որ այդ կառույցներն առաջընթաց գրանցեն կոռուպցիայի վերացման առումով:
«Հուլիսի վերջն է, բայց ոչ մի պայման չի կատարվել, այդ միլիոններն օդի մեջ կախված մնացին: Հետեւաբար, մեր արտասահմանյան գործընկերները խելոքացել են, գումարներ հատկացնելիս սկսել են պայմաններ թելադրել»:
Բանախոսը նկատեց, որ միայն նախորդ տարի 48.000 մարդ լքել է Հայաստանը, իսկ այս տարվա առաջին եռամսյակում` 20.000-ը. «Նրանց հետ բերելու համար տարիներ են պետք, չնայած մեծ մասը վաճառել է տունը եւ գույքը: Նորմալ հարկ վճարողների հարկային բեռը ավելացնում են, ավելանում է նաեւ օլիգարխիան, որը սերտաճել է կառավարության հետ եւ շրջանցում է խնդիրները»:
Կարդացեք նաև
Լուիզա ՍՈՒՔԻԱՍՅԱՆ
