ՀՀ վարչապետ Կարեն Կարապետյանն այսօր կառավարության նիստին հանձնարարեց գազի եւ էլեկտրաէներգիայի սակագնի վերանայման ուղղությամբ աշխատանքներ տանել։ Վարչապետը հանձնարարություն տվեց հանրային ծառայությունները կարգավորող հանձնաժողովին, էներգետիկայի եւ բնական պաշարների, աշխատանքի եւ սոցիալական հարցերի նախարարների պաշտոնակատարներին, որպեսզի նրանք համատեղ քննարկեն ու առաջարկություններ ներկայացնեն սակագնային քաղաքականության վերանայման մասին։
«Խոսքը ինչի՞ն է վերաբերում՝ մաքսիմալ նվազեցնել սոցիալապես անապահովների սակագինն ի հաշիվ այլ սպառողների, տրամաբանական է: Պետք է ապահովել սակագնային խթանիչի ազդեցությունը բիզնեսի համար, հատկապես գյուղատնտեսության եւ վերամշակվող ճյուղերի համար։ Այս ամենը պետք է նայել ոչ ի հաշիվ բյուջեի, այլ պետք է անել ի հաշիվ տնտեսվարող սուբյեկտների, որոնք այդ ծառայությունները մատուցում են»,֊ասաց Կարապետյանը։
Նելլի ԲԱԲԱՅԱՆ
