Պատմամշակութային արժեքներ հափշտակելու կասկածանքով
Սեպտեմբերի 14-ին, ժամը 16.30-ին, ոստիկանության քրեական հետախուզության գլխավոր և Գեղարքունիքի մարզային վարչությունների ծառայողները պատմամշակութային արժեք ունեցող առարկաներ հափշտակելու կասկածանքով բերման են ենթարկել 1973 թ. ծնված Արտակ Հ.-ին: Նա ներկայացրել է պատմամշակութային 12 առարկա, որոնք, ըստ իր հայտարարության, մետաղափնտրիչի միջոցով որոնել և հանել է Լճաշեն գյուղում գտնվող հնավայրերից:
Նշանակվել է փորձաքննություն:
Կատարվում է հետաքննություն:
ՀՀ ոստիկանություն
