Ինչու փոխեցին Սյունիքի մարզպետ Սուրիկ Խաչատրյանին, երբ իշխանությունները միշտ գովել են նրան: Մեր այս հարցին ՀՅԴ խմբակցության ղեկավար Արմեն Ռուստամյանը պատասխանեց. «Ով որ գովել է, գնացեք նրան էլ հարցրեք: Ես որ չեմ գովել: Ով գովել է, գովացողներին էլ գնացեք հարցրեք, թող պատասխանեն»:
ՕԵԿ պատգամավոր Մհեր Շահգելդյանն էլ մեր հարցին, թե ինչո՞ւ Սուրիկ Խաչատրյանին պաշտոնանկ արեցին՝ շատ հեռվից եկավ: Նա պատասխանեց. «ԱԺ-կառավարություն վերջին հարցուպատասխանի ժամանակ ես վեր հանեցի վիճակագրական ծառայության տվյալներ, որոնք ցույց են տալիս, որ Հայաստանում տնտեսությունը հետընթաց է ապրում: Այն վիճակագրական ծառայությունը, որ մինչ այդ ցույց էր տալիս, որ մենք 3-3.5 տոկոս աճ ունենք: Երբ որ մենք ասում էինք, որ սա չի համապատասխանում իրականությանը, կառավարությունը մեզ ասում էր ինչ եք ասում, դուք չեք հասկանում: Հիմա նոր վիճակագրական ծառայությունը ցույց է տալիս: Հիմա նույնը վերաբերում է Սուրիկ Խաչատրյանին: Միգուցե հիմա նոր հասկացան, դժվարանում եմ ասել»:
Մենք ճշտեցինք՝դուք այս փոփոխությունից որեւէ ակնկալիք չունե՞ք՝ նա պատասխանեց. «Ուզում եմ տեսնել, թե արդյունքներն ինչպիսին կլինեն: Պետք է հասկանանք, որ խորքային փոփոխություններ են պետք»:
Հռիփսիմե ՋԵԲԵՋՅԱՆ
Ժամանակին նրա ծառայությունները, որոշակի իշխանավորների համար շատ լավ եղած կլինի, դա հաստատ, բայց երբ խաղի կանոնները փոխվում են (եթե փոխվեցին), նման ծառայությունները արդեն չարիք են ու վնասում են հիմնական սկզբունքին, ինչու չէ շահին: