«Պանամական փաստաթղթեր». ԵԽԽՎ-ում անդրադարձան նաև Միհրան Պողոսյանի օֆշորային սկանդալներին

Եվրոպայի խորհրդի խորհրդարանական վեհաժողովի (ԵԽԽՎ) աշնանային նստաշրջանի այսօրվա լիագումար նիստում քննարկվում են «պանամական փաստաթղթերը»:

Ավստրիացի պատգամավոր Ստեֆան Շենաքի` զեկույցի ներկայացումից հետո ելույթով հանդես եկան ԵԽԽՎ պատվիրակները:

Ադրբեջանցի պատվիրակ Ռաֆայել Հուսեյնովը ՀՀ ԴԱՀԿ նախկին պետ Միհրան Պողոսյանի անունը պանամական փաստաթղթերում հիշատակվելու փաստը շահարկեց` ՀՀ իշխանություններին կոռումպացված որակելու համար:

Այս ելույթից հետո ԵԽԽՎ-ում հայկական պատվիրակության անդամներ Միքայել Մելքումյանն ու Նաիրա Կարապետյանը հակադարձեցին նրան: Տիկին Կարապետյանը հայտարարեց, որ Միհրան Պողոսյանն արդեն հրաժարական է տվել:

Կարդացեք նաև

«Ռուբեն Հայրապետյանը, Միհրան Պողոսյանը, Վարդան Ղուկասյանը դրսից անում են ավելին, քան այստեղ վեր ընկած նախարարներից ցանկացածը». Գեւորգ Պետրոսյան

• 21:33 24.04.2024

«Ներողություն եմ խնդրում հայ ժողովրդից, որ չեմ հասկացել, ժամանակին չեմ տեսել սատանան եւ պաշտպանել եմ սրան». Հեղափոխության պահապան

• 20:11 24.04.2024

«Սա ձեռքերի կռիվ չի, սա գաղափարի՛ կռիվ է, մարդկայի՛ն կռիվ է, արժանապատվությա՛ն կռիվ է». «Մերժիր գժին» հանրահավաք՝ հրապարակում

• 19:25 24.04.2024

Aracvot.am-ի հետ զրուցում ԵԽԽՎ-ում հայկական պատվիրակության անդամ Միքայել Մելքումյանը վստահեցրեց, որ ԵԽԽՎ ամբիոնից պատռել է Ալիևի ընտանիքի դիմակը. «Ես անդրադարձել եմ Ալիևի ընտանիքին` Լեյլայի և Արզու, Մեհրիբան Ալիևաներին, որոնց անուններով օֆշորային գոտում գրանցված տարբեր ընկերություններ կան, ավելին, դրանք անձամբ գրանցել է նրանց հարկային նախարարը»:

ԵԽԽՎ ամբիոնից պարոն Մելքումյանն այս առիթով մի շարք այլ մանրամասներ ներկայացրեց:

Տաթև ՀԱՐՈՒԹՅՈՒՆՅԱՆ