Ռուսական «Առաջին ալիքի» եթերում «Բոլորից լավը» (Лучше всех) փոքրիկ տաղանդների հաղորդաշարում Մաքսիմ Գալկինը հյուրընկալել է 6-ամյա Ալեքսանդր Բեյլերյանին, որը ներկաներին ապշեցրել է լեզուների իմացությամբ, բացառիկ հիշողությամբ և երաժշտական տաղանդով:
Ալեքսանդր Բեյլերյանը հանդիսատեսի համակրանքը գրավել է հենց առաջին վայրկյաններից՝ հայտարարելով, որ ինքը մարտի 14-ին «վերջին անգամ կդառնա 7 տարեկան» և այդ տարիքում էլ նույնքան լավը կլինի, որքան հիմա:
Այնուհետև փոքրիկ Սաշան անգլերեն և ռուսերեն լեզուներով արտասանել է «լուրջ, և անգամ մեծական բանաստեղծություն»՝ հատված «Համլետ»-ից:
Ալեքսանդրի հայրը (երեխայի խոսքով՝ նա կրում է իր նույն ազգանունը, բայց ուրիշ անուն)՝ Հայկ Բեյլերյանը, պատմել է, որ իրենք թեև օգնում են երեխային առոգանության հարցում, բայց հիմնականում նա ինքնուրույն է սովորում և դա հաճույքով է անում, օրինակ, «Համլետի» ռուսական տարբերակը սովորել է 2 օրում:
Կարդացեք նաև
Այնուհետև փոքրիկ Բեյլերյանը հաղորդավար Վալդիս Պելշի հետ խաղացել է «Գուշակիր մեղեդին» խաղը՝ առաջին իսկ նոտաներից գուշակելով և երգելով գուշակած երգերը (իտալերեն, իսպաներեն, ֆրանսերեն, գերմաներեն)՝ «երաժշտական առումով ճնշելով» և ոչ մի շանս չթողնելու իր «մրցակցին»՝ Մաքսիմ Գալկինին:
Ալեքսանդր Բեյլերյանի օգտին կարելի է քվեարկել հետևյալ հղումով՝
Պատրաստեց՝ Վիկտորյա ԱՆԴՐԵԱՍՅԱՆԸ
