Աշխարհի նախկին թիվ 1 ռակետ Եվգենի Կաֆելնիկովի դուստրը՝ Ալեսյան, որ ներկայումս Լոնդոնում զբաղվում է մոդելային կարիերայով, իր ինստագրամում տեսանյութ է տեղադրել, որում խոստովանել է, թե չի սիրում ռուսական մենթալիտետը եւ չի ցանկանում վերադառնալ Ռուսաստան, որովհետեւ միայն այնտեղ մարդիկ օգտագործում են ուրիշ մարդկանց: «Միայն Ռուսաստանում են մարդիկ մշտապես ուրիշ մարդկանց օգտագործում եւ դա սարսափելի է: Դրա համար ես չեմ սիրում Ռուսաստանը եւ շարունակելու եմ ատել: Եթե դու անվանի մարդ ես, նրանք ատում են քեզ ու բամբասում քո մասին: Իսկ եթե մի բան այնպես չանես, նրանք կթունավորեն քեզ», – Լոնդոնի օդանավակայանում արված տեսագրությունում ասել է մոդելը: Ճիշտ է, համացանցում իր հայրենակիցների ծավալած քննադատությունների հեղեղի ազդեցության տակ, 18-ամյա գեղեցկուհին անմիջապես ներողություն է խնդրել:
Աշոտ ՀԱԿՈԲՅԱՆ
Լուսանկարը՝ grammio.com-ի
