«Վրաստանի՝ ՆԱՏՕ-ին եւ ԵՄ-ին անդամակցությունը «մոտ ապագայի» հարց չէ, բայց, միեւնույն է՝ ինչպես ասել էր Մայա Փանջիկիձեն, դա լուրջ խոչընդոտներ չի կարող առաջացնել հայ-վրացական հարաբերություններում»,-Aravot.am-ի հետ զրույցում ասաց վրացագետ Էլիկ Էրոյանցը:
Նրա համոզմամբ, այն, որ Հայաստանը ՀԱՊԿ ու ԵՏՄ անդամ է, իսկ Վրաստանը ձգտում է խորացնել հարաբերությունները Եվրամիության հետ և անդամակցել ՆԱՏՕ-ին, չի կարող խոչընդոտներ առաջացնել հայ-վրացական հարաբերություններում:
«Վրաստանի կողմից ԵՄ-ի հետ ասոցացման համաձայնագրի ստորագրումը, մյուս կողմից ՀՀ-ի՝ ԵՏՄ-ին անդամակցությունը շատերի մոտ մտավախություն էին ստեղծում, որ հայ-վրացական հարաբերություններում կարող են լուրջ խնդիրներ առաջանալ, այդուհանդերձ, խնդիրները հաղթահարվում են: Լուրջ բացասական հետեւանքներ չտեսանք»,-նշեց Ալիկ Էրոյանցը:
Խնդրեցինք մեկնաբանել նաեւ ռուս փորձագետների կարծիքն այն մասին, որ ռուս-հայկական միացյալ զորախումբը ԽՍՀՄ անդրկովկասյան ռազմական օկրուգը վերստեղծելու փորձ է, որին հետագայում միանալու են նաեւ Վրաստանը եւ Ադրբեջանը: «Վրաստանը ձգտում է ՆԱՏՕ-ի անդամ լինել, եւ այդ տեսանկյունից նշյալ կարծիքն իրատեսական չէ»,-նկատեց փորձագետը:
Կարդացեք նաև
Մանրամասն ՝ տեսանյութում
Լուիզա ՍՈՒՔԻԱՍՅԱՆ
