Նախօրեին Հանրային ծառայությունները կարգավորող հանձնաժողովը վերջապես կայացրել է երկար սպասված որոշումը եւ սահմանել է, որ էլեկտրաէներգիայի սակագինը սպառողների համար պիտի նվազեցվի 1,22 դրամով։
«ՉԻ» – Վերջ, Հայաստանի բոլոր խնդիրները կարելի է լուծված համարել։ Հայ սպառողների ուսերից ահռելի բեռ ընկավ՝ ամեն հայ ընտանիք ամառային ամիսներին կարող է խնայել համարյա 100, իսկ ձմեռային ամիսներին՝ ամբողջ 300 դրամ։ Պատկերացրեցի՞ք։ Օրական 10 դրամ։
Ճիշտ է, եթե փողոցի մուրացկանին 10 դրամ տաս՝ ամենայն հավանականությամբ այնպես կնախշի, որ անցորդներին կթվա, թե ՀՀԿ-ի վերաբերյալ իր պատկերացումներն է արտահայտում, բայց ՀՀ բնակչությունը երեւի պարտավոր է ավելի երախտապարտ լինել։
Կարծում ենք՝ եթե ամեն ընտանիք օրական 15 դրամ տրամադրի, կարելի է ի նշան երախտագիտության Երեւանի կենտրոնում կանգնեցնել ՀՀ առատաձեռն իշխանությունների եւ անձամբ Կարեն Կարապետյանի արձանը:
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
