Լրահոս
Օրվա լրահոսը

Ֆրանսիայում Թուրքիայի դեսպանի վրա կարմիր գույնի հեղուկ լցրած հայ ուսանողը և նրա ընկերը կկանգնեն դատարանի առաջ

Փետրվար 28,2017 12:34 Share
Աջակցեք aravot.am-ին

2017թ. մարտի 7-ին ծագումով հայ ֆրանսիացի երկու ակտիվիստներ կկանգնեն Նանտերի քրեական դատարանի առաջ՝ Ֆրանսիայում Թուրքիայի դեսպան Մ. Հաքքը Աքիլի դեմ «կանխամտածված բռնություն իրագործելու» մեղադրանքով:

Թուրքական դեսպանատան բողոքներից հետո ակտիվիստներից մեկը մեղադրվել է 2015թ. մարտի 2-ին Ֆրանսիայում թուրք դեսպանի վրա կամիր գույնի հեղուկ լցնելու, իսկ մյուսը նրա արարքը նկարահանելու և սոցցանցերում տարածելու համար:

Դեպքը տեղի է ունեցել Փարիզի Դեկարտի անվան համալսարանում Ֆրանսիայում Թուրքիայի դեսպան Հաքքը Աքիլի ելույթի ժամանակ:

«Երկու ուսանողների խորհրդանշական արարքը տեղի է ունեցել ֆրանսիական համալսարանում, մի կառույցում, որը չի կարող տեղ հատկացնել պատմությունը կեղծողներին: Դենոնսացիայի այս գործողությունը պետք է կոտրի լռության պատը, որը թելադրվել է Թուրքիայի քաղաքացիներին և ամբողջ աշխարհի հայերին»,-ասվում է «Շարժում» ֆրանսիական խմբավորման հայտարարության մեջ:

 

Պատրաստեց՝ Վիկտորյա ԱՆԴՐԵԱՍՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: