Ադրբեջանի գլխավոր դատախազությունը քրեական գործեր է հարուցել արգենտինական, ուրուգվայական, շվեյցարական և ռումինական ընկերությունների հանդեպ՝ Արցախում տնտեսական գործունեություն իրականցվելու համար: Այս մասին հաղորդում է «Ինտերֆաքս» գործակալության ադրբեջանական ծառայությունը:
Գլխավոր դատախազության հաղորդագրության համաձայն՝ արտասահմանյան մի շարք ընկերությունների ղեկավարներ, որոնց թվում են նաև «Haik Watch and Jewelry Co», «Rodino Haskovo» JIC, «Centro Ceibal», «Deccan Gold Mines Ltd» և «Cosmote Romanian Mobile Telecommunications S.A» կազմակերպությունները, 1999-2017թթ. Ստեփանակերտում, Շուշիում, Լաչինում, Քարվճառում ձեռնարկություններ են ստեղծել:
Ադրբեջանն այդ ընկերություններին մեղադրում է ի վնաս Բաքվի Արցախի բնական ռեսուրսներն օգտագործելու, «անօրինական եկամուտ» ստանալու և Հայաստանին աջակցելու համար:
Պատրաստեց՝ Վիկտորյա ԱՆԴՐԵԱՍՅԱՆԸ
