Լրահոս
Օրվա լրահոսը

Ռուսաստանն ապակայունացնող դերակատարում է խաղում արցախյան հակամարտությունում. ամերիկացի գեներալ

Մարտ 24,2017 12:54 Share
Աջակցեք aravot.am-ին

Եվրոպայում ԱՄՆ-ի միացյալ զինված ուժերի (EUCOM) հրամանատար գեներալ Կերտիս Սկապարոտին սենատի կոմիտեի լսումներին անդրադարձել է արցախյան հակամարտությունում Ռուսաստանի դերակատարմանը: Նա մասնավորապես հայտարարել է, որ Ռուսաստանն ապակայունացնում է իրավիճակը աշխարհում, այդ թվում՝ Արցախում:

Ամերիկացի հրամանատարի խոսքով՝ Ռուսաստանը խոչընդոտում է հակամարտությունների կարգավորմանը հետխորհրդային տարածությունում:
«Մոսկվան, զինելով և՛ Հայաստանին, և՛ Ադրբեջանին, ապակայունացնող դերակատարում է խաղում ղարաբաղյան հակամարտությունում: Լինելով ԵԱՀԿ Մինսկի խմբի համանախագահ երկիր, որը պետք է օգնի ղարաբաղյան հակամարտության կարգավորմանը, Ռուսաստանը շարունակում է ռազմաբազա պահել Հայաստանի տարածքում»,-հայտարարել է գեներալը:

Նա նաև նշել է, որ Ուկրաինան և Վրաստանը ևս գտնվում են Մոսկվայի կողմից ագրեսիվ գործողությունների սպառնալիքի ներքո: «Բալկաններում Ռուսաստանը եվրոպական և ատլանտյան ինտեգրումը դանդաղեցնելու նպատակով լարվածություն է ստեղծում: 2016թ. Մոսկվան բացահայտորեն միջամտել է քաղաքական գործընթացներին Բոսնիայում և Հերցոգովինայում, Չեռնոգորիայում»,-շեշտել է գեներալը:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: