Ստրասբուրգում ստորագրվել է Ուկրաինայի և Եվրամիության միջև առանց այցագրի ռեժիմի մասին համաձայնագիրը: Այս մասին Twitter-ի իր միկրոբլոգում գրել է «Ազատություն» ռադիոկայանի թղթակից Ռիկարդ Յոզվյակը:
«Ստորագրվել է, կնքվել է, տեղ է հասել: Վիզայի ազատականացում Ուկրաինայի համար: ԵՄ պաշտոնական ամսագրում հրապարակումը՝ մայիսի 22-ին, ուժի մեջ կմտնի հունիսի 11-ին»,- գրել է Յոզվյակը:
Համաձայնագիրը ստորագրել են Ուկրաինայի նախագահ Պյոտր Պորոշենկոն, Եվրախորհրդարանի նախագահ Անտոնիո Տայանին և ԵՄ-ում նախագահող Մալթայի ներկայացուցիչը:
Պատրաստեց՝ Վիկտորյա ԱՆԴՐԵԱՍՅԱՆԸ
signed, sealed, delivered: #Ukraine visa lib! Publication in Eu official journal on 22 May, entry into force 11 June.
— Rikard Jozwiak (@RikardJozwiak) May 17, 2017
