Կաշառք ստանալու մեջ մեղադրվող նախկին դատավոր Իշխան Բարսեղյանի գործով այսօր հարցաքննվեց վկա Նորիկ Հակոբյանը:
«Ինքն ուզել է, բերվել, իրեն է տվցվել, թող չուզեր, չբերեինք, չտայինք»,- ասաց վկան:
Իշխան Բարսեղյանի պաշտպան՝ փաստաբան Կարեն Ղազարյանն էլ հետաքրքրվեց՝ ինչի համար է Իշխան Բարսեղյանը գումարը պահանջել՝ հայցը բավարարելո՞ւ, թե՞ հակընդդեմ հայցը վարույթ ընդունելու համար. «Այսինքն, դուք առանց ակնկալիքներ ունենալու, առանց հասկանալու, թե ինչ են պատրաստ ձեզ համար անել, միանգամից սպասում էիք, որ ձեզ գումար ասեին, դուք էլ գնայիք, դիմեիք Ազգային անվտանգության ծառայությո՞ւն, ուզում ենք հասկանալ՝ կաշառքի հանցակազմը, վերջիվերջո պարոն Բարսեղյանը կարո՞ղ էր իր ուզած գործողությունները կատարել, մեն ինչը հնարավոր էր օրենքով անել, թե՝ոչ, վկան նախաքննությունում երկու բառ, ինչ-որ հուշելով գրել է, եկել է այստեղ ամեն ինչ խառնում է իրար, չի ուզում պատասխան տալ»:
Վկան էլ ի պատասխան ասաց, որ փաստաբան Էլզա Զաքարյանից պարզել է, թե երբ է գումարը տալու դատավորին, հետո դիմել է ԱԱԾ. «Գնացել էի, որ փողը տան, բերեմ տամ Իշխան Բարսեղյանին»:
Կարեն Ղազարյանն էլ կրկին հետաքրքրվեց. «Դուք ասում եք՝ ես գնացի ԱԱԾ, որ տան, բերեմ Իշխանին»:
Նորիկ Հակոբյանը շարունակեց պարզաբանել. «Ես չգիտեմ կտան, թե չեն տա, ինձանից ուզել են, գնացել եմ, ասել եմ»: Նա նաեւ նշեց, որ Իշխան Բարսեղյանին «նստացնելու» նպատակ չի ունեցել:
Հիշեցնենք, որ ըստ մեղադրանքի, Նորիկ հակոբյանի օգտին գործողություններ կատարելու համար է դատավորը միջնորդի՝ գործով ամբաստանյալ Էլզա Զաքարյանի միջոցով պահանջել եւ անձամբ ստացել է 1000 ԱՄՆ դոլար կաշառք:
Արփինե ՍԻՄՈՆՅԱՆ
