«Ես տեղյակ չեմ». ՊՆ գնդապետը՝ սպանության մեջ մեղադրվող որդու արարքների մասին (Տեսանյութ)

Երևանի Վ. Սարգսյանի անվան ռազմական ինստիտուտի պետի նախկին տեղակալ, գնդապետ Զարմիկ Թևոսյանը, ում որդին՝ Գնել Թեւոսյանը մեղադրվում է նույն ինստիտուտի կուրսանտ Հայկազ Բարսեղյանի սպանության մեջ, հերքում է՝ իր որդին ինստիտուտում վատ վարքագծով է աչքի ընկել:

Aravot.am-ը նրանից հետաքրքրվեց՝ ճի՞շտ են տեղեկությունները, որ երբ նրան բողոքել են իր որդուց, ինքը ասել է՝ դե խոխա է, յոլա տարեք: Նա ասաց, որ իրեն որեւէ մեկը չի դժգոհել, հերքեց նաեւ, որ նույնիսկ մազերը կտրելու համար որդուն դիտողություն արած դասախոսներից մեկին, ինքն է անձամբ դիտողություն արել, թե ինչու ես որդուս նման բան ասել:

Թեեւ Հայկազ Բարսեղյանի սպանության գործով կան նաեւ ցուցմունքներ, որ գնդապետի որդին՝ գործով ամբաստանյալ Գնել Թեւոսյանն ու ընկերները, իշխանություն են ունեցել ինստիտուտում, բռնություններ կիրառել մյուս կուրսանտների նկատմամբ, գումարներ պահանջել, գնդապետը նույնպես հերքեց. «Ես տեղյակ չեմ»: Նա նաեւ ասաց՝ իր որդին նորմալ վարքագիծ է ունեցել ու չի տարբերվել մյուս կուրսանտներից:

Մանրամասներն ավելի ուշ՝ տեսանյութում

Արփինե ՍԻՄՈՆՅԱՆ