Այսօր Հայաստան-Սփյուռք 6-րդ միջազգային համաժողովին սփյուռքահայերից մեկը վարչապետից հետաքրքրվեց, թե ԵԱՏՄ-ն ինչ տնտեսական հետեւանք ունեցավ Հայաստանի վրա:
Ի պատասխան, Կարեն Կարապետյանը սփյուռքահայ հայրենակցին հանգստացրեց՝ ասելով. «Մենք ընկերություն ենք անում ոչ ի վնաս այլ հարաբերությունների: ԵԱՏՄ-ն մի շատ պարզ տնտեսական հարթակ է, դա մի ակումբ է, որտեղ հինգ երկիր պայմանավորվել են այդ ակումբում աշխատելու կանոնների մասին: Եվ այն ցուցանիշները ընթացիկ, որ մենք ձեզ ցույց ենք տալիս՝ արտահանում, ներմուծում, տնտեսական աճ, հենց հանդիսանում են այդ քաղաքականության հետեւանք: Մենք մի մաս ենք կազմում մեծ շուկայի, մեր հիմնական արտադրությունը պատմականորեն ուղղված է այդ շուկաների վրա: Այնպես չէ, որ մենք շատ առաջարկներ ունենք այլ շուկաներում, բայց այնպես էլ չի, որ մենք այլ շուկաներին վնաս ենք տալիս»:
Լուսինե ԲՈՒԴԱՂՅԱՆ
