Համաշխարհային տնտեսական ֆորումը հրապարակել է «Մրցունակության համաշխարհային ինդեքս 2017-2018»-ը, որում Հայաստանը բարելավել է դիրքերը՝ զբաղեցնելով 73-րդ հորիզոնականը:
Այս տարվա վարկանիշային աղյուսակում Հայաստանը հավաքել է 4.19 միավոր: 2016թ. համեմատությամբ Հայաստանի դիրքերը բարելավվել են 6 հորիզոնականով: (նախորդ տարվա ինդեքսում՝ 79-րդ հորիզոնական):
Վարկանիշային աղյուսակում ներառված է 137 երկիր: Զեկույցի մեթոդաբանության մեջ նշվում է, որ Համաշխարհային մրցունակության ինդեքսը կազմելիս հաշվի են առնվել երկարաժամկետ աճի ցուցանիշները:
Տարածաշրջանի երկրներից ամենաբարձր ցուցանիշը գրանցել է Ադրբեջանը, որը 4.69 միավորով 35-րդ հորիզոնականում է (անցյալ տարի՝ 37-րդ հորիզոնական): Վրաստանը 4.28 միավորով 67-րդ տեղում է (2016թ.՝ 59-րդ), իսկ Թուրքիան՝ 4.42 միավորով՝ 53-րդ (2016թ.՝ 55):
Պատրաստեց՝ Վիկտորյա ԱՆԴՐԵԱՍՅԱՆԸ
