Աղմուկ բարձրացրած «Ընտանիքում բռնության կանխարգելման, ընտանիքում բռնության ենթարկված անձանց պաշտպանության եւ ընտանիքում համերաշխության վերականգնման մասին» օրենքի նախագիծն այսօր երկրորդ ընթերցմամբ եւ ամբողջությամբ ընդունվեց՝ 75 կողմ, 12 դեմ եւ 8 ձեռնպահ ձայներով:
Օրենքի նախագծի հիմնական զեկուցող Վիգեն Քոչարյանին հաջողվեց եւս երկու պատգամավորի համոզել, որ օրենքը դրական արդյունք կունենա: Առաջին ընթերցման ժամանակ կողմ էր 73 պատգամավոր, իսկ այսօր կողմ էր 75-ը: Նրանք, ովքեր կատեգորիկ դեմ էին այս նախագծին, իրենց դիրքորոշումը չեն փոխել, նորից դեմ քվեարկեցին: Իսկ ձեռնպահ քվեարկողների թիվն ավելացավ երկուսով: Առաջին ընթերցման ժամանակ ձեռնպահ էր 6 պատգամավոր:
Հռիփսիմե ՋԵԲԵՋՅԱՆ
