Դեկտեմբերի 22-ին, ժամը 22:18-ին տեղեկություն է ստացվել, որ Արագածոտնի մարզի Աշտարակ քաղաքից դեպի Օշականի ձոր տանող ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-3 ավտոճանապարհի Աշտարակ-Էջմիածին հատվածի 10-րդ կմ-ին տեղի է ունեցել ՃՏՊ. «Mercedes C180» մակնիշի 98 VP 008 պետհամարանիշով ավտոմեքենան (վարորդ՝ 1995 թ. ծնված Վ. Հ.) դուրս է եկել ճանապարհի երթևեկելի հատվածից և հայտնվել դաշտամիջյան հատվածում: Վ. Հ.-ը և ուղևոր Ա. Մ.-ը հոսպիտալացվել են Աշտարակ քաղաքի ԲԿ, որտեղ բժիշկները տուժածների առողջական վիճակը գնահատել են բավարար:
Փրկարարները հոսանքազրկել են ավտոմեքենան և փակել գազի բալոնի փականը:
ՀՀ ԱԻՆ
