ՀՀ քաղաքաշինության կոմիտեի նախագահի առաջին տեղակալ Արմեն Ղուլարյանն ընդունել է «Սեն-Գոբեն Գրուպ» ընկերության՝ ՌԴ-ում գրասենյակի գլխավոր տնօրեն Էրվան Դյուպույին, ԱՊՀ երկրներում և Ուկրաինայում հանրային կապերի տնօրեն Ռաֆայել Զոհրաբյանին, ինչպես նաև «Բիզնես Արմենիա» հիմնադրամի ներդրումների և արտահանման մենեջեր Մարիամ Գրիգորյանին:
Սա շինանյութերի խոշոր արտադրող «Սեն-Գոբեն Գրուպ» ընկերության ներկայացուցիչների առաջին այցն է Հայաստան՝ նպատակը շինոլորտում ներդրումների հեռանկարն է:
Էրվան Դյուպույը Կոմիտեի ներկայացուցիչներին խնդրեց ներկայացնել շուկայի զարգացման միտումները, ինչպես նաև քաղաքաշինության քաղաքականության առաջնահերթությունները, նախանշելու համար ներդրման հնարավոր բնագավառները:
Կողմերի փաստեցին, որ շատ հարցերի շուրջ նպատակները համընկնում են՝ ոլորտի գիտափորձարարական կենտրոնի ստեղծում, նորմատիվատեխնիկական փաստաթղթերի վերամշակում, շինարարական գիտության զարգացում:
Արմեն Ղուլարյանը կարևորել է հատկապես Հայաստանում շինանյութերի արտադրության ոլորտի զարգացումը: «Մեր երկրում կան դրա համար անհրաժեշտ ռեսուրսներ և գիտական ներուժ»,- նշել է Քաղաքաշինության նախագահի առաջին տեղակալը:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՔԱՂԱՔԱՇԻՆՈՒԹՅԱՆ ԿՈՄԻՏԵ
