NEWS.am-ի հետ զրույցում Սիլվա Համբարձումյանի հայտարարությունը «ստոր սուտ» անվանեց նախկին փոխվարչապետ Արմեն Գևորգյանը. «Սա ստոր և կեղտոտ սուտ է։ Նման բան չի եղել և չէր կարող լինել։ Համոզված եմ՝ հնչած հայտարարություններին, որպես զրպարտանքի, կտրվեն համապատասխան գնահատականներ»։
Yerkir.am-ի հետ զրույցում ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը նշեց, որ Համբարձումյանի ասածը հերյուրանք է՝ սկզբից մինչև վերջ: «Կեղտոտ սուտ է, բնականաբար, նման բան տեղի ունենալ չէր կարող: Մենք դատական գործընթաց ենք սկսելու և պահանջելու ենք, որպեսզի այդ կինը դատարանում պատասխան տա և ներողություն խնդրի իր հայտարարությունների համար: Այն, ինչ այսօր ասել է Համբարձումյանը, սուտ է»,- նշեց նա:
Հիշեցնենք՝ այսօր հրավիրված մամուլի ասուլիսին Սիլվա Համբարձումյանը հայտարարեց՝ իրեն չխանգարելու համար վճարել է ՀՀ նախագահին՝ Քոչարյանին, ՀՀ վարչապետին՝ Սերժ Սարգսյանին և Արմեն Գևորգյանին:
