«ՀՀԿ-ն ինքն է ասում, որ իմ ընկեր Նիկոլ Փաշինյանը վարչապետ դառնալուց հետո եվրասիական տնտեսական մոտեցման կողմնակից է, որ միջազգային հարթակներում քվեարկում են ինչպես Էդվարդ Նալբանդյանը…ես էլ եմ այդպես ասում: ՀՀԿ-ն եւ «Քաղաքացիական պայմանագիրը» կարող են դաշինք կնքել, որովհետեւ այսօրվա դրությամբ գաղափարական առումով նույն հարթության վրա են»,-«Ազատ դեմոկրատների» եւ «Հանրապետություն» կուսակցությունների՝ «Մենք» դաշինքի ստեղծման ժամանակ այսօր հայտարարեց «Հանրապետություն» կուսակցության նախագահ, ՀՀ նախկին վարչապետ Արամ Զավենի Սարգսյանը: Հիշեցնենք, որ «Մենք»-ը մասնակցելու է դեկտեմբերի իննին կայանալիք արտահերթ խորհրդարանական ընտրություններին:
Արամ Սարգսյանի խոսքով՝ ինքը ոչ թե իշխանության եւ նրա կողմնակիցների հակառակորդն է, այլ այլընտրանքը. «Այդ ճանապարհը ճիշտ է, այդ պատճառով ես դաշինք կնքեցի «Ազատ դեմոկրատների» հետ, քանի որ այդ կուսակցությունը եվրոպական արժեքների կրող է, կողմ է ԵՄ-ի հետ տնտեսական շուկայի զարգացմանը: Նրանք գիտեն, որ իրական ներդրումային գումարները ՌԴ-ում, Բելառուսում կամ Ղազախստանում չեն»:
Արամ Սարգսյանը հայտնեց, որ դեկտեմբերի իննին կայանալիք արտահերթ խորհրդարանական ընտրություններին ընդառաջ՝ ՔՊ-ից իրեն առաջարկ եղել է, զրույցներ եղել են, բայց «Ազատ դեմոկրատների» հետ դաշինք կազմելու մեջ է տեսնում իր քաղաքական գործունեության օգտակարությունը:
Մանրամասն՝ տեսանյութում
Ուղիղ։ Արամ Սարգսյանի եւ Խաչատուր Քոքոբելյանի մամուլի ասուլիսը
Gepostet von Aravot am Samstag, 10. November 2018
Լուիզա ՍՈՒՔԻԱՍՅԱՆ
