Լրահոս
Օրվա լրահոսը

Արմեն Ալավերդյան. «Որեւէ քաղաքական փոփոխություն չպետք է ազդի մշակույթի զարգացման եւ պահպանման վրա»

Ապրիլ 15,2019 15:39

«Ունիսոն» հ/կ-ի գործադիր տնօրեն, «Փարոս» կամերային երգչախմբի համահիմնադիր Արմեն Ալավերդյանը «Տեսակետ» ակումբում ասաց, որ մատների վրա կարելի է հաշվել այն հաստատությունները, որոնք լիարժեք կամ մասնակի մատչելի են հաշմանդամություն ունեցողների համար: Դրանց թվում են` Էրեբունի, Սարյան թանգարանները, Ցեղասպանության թանգարան ինստիտուտը, Օպերային թատրոնը եւ այլ կառույցներ:

Նա փաստում է, որ անգամ զարգացած ու հարուստ երկրներում կան խնդիրներ` հաշմանդամություն ունեցող մարդկանց համար, եւ բոլորի զարգացման մակարդակը երեւում է մշակութային օջախների հասանելիությունից:

Մանրամասն` տեսանյութում

Արմեն Ալավերդյանը փաստում է` իրենց «Փարոս» երգչախումբը միջազգային մրցույթների դափնեկիր է, ընդ որում ոչ թե հաշմանդամային մրցույթների, այլ սովորական երգչախմբային:

«Պարզապես մենք նստած ենք երգում, իրենք` կանգնած…Նստած երգելն էլ ավելի բարդ է, բայց մենք հավասարը հավասարի պես պայքարում ենք»,-ասաց «Ունիսոն» հ/կ-ի գործադիր տնօրենը: Խոսեց նաեւ Ֆրանսիայում կայանալիք` Կոմիտասի 150-ամյակին նվիրված իրենց 4 համերգների մասին:

«Նախորդ իշխանությունների ժամանակ մշակույթի նախկին նախարար Արմեն Ամիրյանը ձեռնամուխ էր եղել, որ հիմնական մշակութային օջախներն ունենան բոլորի համար հարմար դառնալու վերակառուցման, վերանորոգման նախագծեր: Հիմա այդ նախագծերը պատրաստ են, կան, բայց այժմ այդ գործը սառել է:

Մինչդեռ որեւէ քաղաքական փոփոխություն չպետք է ազդի մշակույթի զարգացման եւ պահպանման վրա: Դա ուղղակի անընդունելի է: Ցանկացած իշխանություն մեր հայրենակիցներն են, պարտավոր են մտածել հոգատարությամբ…Ես հուսով եմ, որ այնուամենայնիվ կունենանք առանձին մարմին, որը պատասխանատու կլինի շահույթի համար, որովհետեւ դա հսկայական ոլորտ է»,-նշեց Արմեն Ալավերդյանը:

 Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2019
Երկ Երե Չոր Հնգ Ուրբ Շաբ Կիր
« Մար   Մայիս »
1234567
891011121314
15161718192021
22232425262728
2930