Եվրամիությունը Ադրբեջանի իշխանություններին կոչ է անում հետաքննել մի քանի տասնյակ մարդկանց ձերբակալությունը, որոնք փորձել են խաղաղ բողոքի ցույց անցկացնել երկրի մայրաքաղաք Բաքվում: Բացի այդ, Բրյուսելը հայտարարել է Բաքվում ցուցարարների հանդեպ անհամաչափ ուժի կիրառման մասին: Ինչպես հաղորդում է Deutsche Welle-ի ռուսական ծառայությունը, նման հայտարարությամբ հանդես է եկել ԵՄ արտաքին քաղաքականության ծառայության ղեկավարի պաշտոնական ներկայացուցիչ Մայա Կոսյանչիչը։
Հայտարարության մեջ ընդգծվում է, որ հավաքների ազատությունը մարդու հիմնարար իրավունքներից է, ուստի Եվրամիությունն Ադրբեջանի իշխանություններից ակնկալում է միջազգային պարտավորվածությունների կատարում: Բացի այդ Բրյուսելը կոչ է արել անհապաղ ազատ արձակել խաղաղ ցուցարարներին:
Հիշեցնենք, որ նախօրեին մի խումբ ակտիվիստներ փորձել են ցույց անել Բաքվի կենտրոնական հրապարակում, իրավապահ մարմինները ուժի կիրառմամբ ցրել են անել: Ոստիկանության գլխավոր վարչության տվյալներով՝ ցույցին մասնակցել է 220 մարդ: Իրավապահները հայտարարել են 60 ցուցարարի ձերբակալության մասին, ավելի ուշ նրանցից 42-ն ազատ է արձակվել:
Պատրաստեց՝ Վիկտորյա ԱՆԴՐԵԱՍՅԱՆԸ
