Կոմիտասի անվան պանթեոնում ՀՀ մարդու իրավունքների առաջին պաշտպան Լարիսա Ալավերդյանը անդրադառնալով հոկտեմբերի 27-ի գործի վերաբացմանը՝ ասաց. «Հոկտեմբերի 27-ն ինձ համար անուրանալի մի ողբերգություն է: Ես ճանաչում էի տականքի ձեռքով կատարված այդ հանցագործության գրեթե բոլոր զոհերին: Դատական գործերը վերաբացելու գործողություններ մշտապես կարող են տեղի ունենալ: Բոլորովին այլ է, թե ինչ միտում կա, արդյո՞ք ինձ համար մերժելի ոճն է, որ որդեգրել են նոր իշխանությունները՝ սկզբից հասարակություն նետել ինչ-որ վարկածներ, նշանակել մեղավորներին եւ հետագայում գործ սկսել: Ես դա եմ մերժում, դա եմ դատապարտում: Չի կարելի խոշոր քաղաքական գործիչների անունները որեւէ առումով դարձնել քաղաքական շուկայի բանաձեւերի առարկա»:
Իմանալով Նաիրի Հունանյանի տեսակը՝ չեմ բացառում, որ 20 տարի լրանալուց հետո որոշել է դիմել: Բայց միտված եմ ավելի հավատալ այն վարկածին, որ դա տեղի չէր ունենա, եթե, ինչպես ասում են՝ իրեն սիրտ տվող չլիներ: Ցմահ դատապարտվածների մեջ այդպիսի հանցագործություն արած որեւէ մեկն այլեւս չկա: Եվ եթե վերանայման խնդիրն է դրված, ուրեմն սկզբից թող վերանայեն բոլոր մնացած դատապարտյալների գործերը՝ ում 20 եւ ավելի տարին է լրացել, հետո անդրադառնան Նաիրի Հունանյանին»:
Աշոտ ՀԱԿՈԲՅԱՆ
