«Հաջորդ տարում Եվրամիությունը 150 միլիոն եվրո կտրամադրի Հայաստանին: Մեր երկրում բարեփոխումների օրակարգին նման ծավալով օժանդակությունը բավականին կարեւոր է՝ կառավարության քայլերը կյանքի կոչելու տեսանկյունից»,-«Արմենպրես» գործակալությունում լրագրողների հետ հանդիպմանն այսօր հայտարարեց «Օրբելի» կենտրոնի փորձագետ, քաղաքագետ Նարեկ Մինասյանը՝ ամփոփելով անցնող տարում ՀՀ-ԵՄ հարաբերությունների ձեռքբերումները:
Ուղիղ։ ՀՀ արտաքին քաղաքականություն։ Քաղաքագետները պատասխանում են լրագրողների հարցերին
Կարդացեք նաև
Gepostet von Aravot am Mittwoch, 25. Dezember 2019
Նրա բնորոշմամբ՝ այս տարի եվրոպական կողմից բարձր մակարդակով արձանագրվեց, որ Բրյուսելը խնդիր չի տեսնում ԵՄ երկրների եւ ՀՀ-ի միջեւ վիզաների ազատականացման առնչությամբ. «ԵՄ-ից այս առումով «կանաչ լույս» վառվեց, բայց գործընթացը հստակ պատկերացնելու համար շեշտենք, որ հարցը կախված չէ միայն ԵՄ իշխող շրջանակներից: Պետք է նաեւ ԵՄ յուրաքանչյուր երկրի համաձայնությունը: Որոշ երկրներ արդեն դրական են արտահայտվել վիզաների ազատականացման համար, հայկական կողմն էլ պարբերաբար բարձրաձայնում է հարցը»:
Քաղաքագետի խոսքով՝ Բրյուսելն ավելի զգայուն է դարձել ապօրինի ներգաղթյալների խնդրի պատճառով, բայց ՀՀ-ն էլ շեշտել է, որ այլ երկրների պատճառով ինքը չպետք է տուժի. «Գործընթացը ոչ թե պետք է պայմանավորել այլ երկրների բացասական փորձով, այլ ՀՀ-ում իրականացվող բարեփոխումներով»:
Նարեկ Մինասյանը հավելեց, որ ՀՀ-ԵՄ ընդլայնված գործընկերության համաձայնագրի ստորագրումից անցել է երկու տարի, իսկ վավերացման ուղղությամբ ձեռքբերումներն ակնհայտ են:
Լուիզա ՍՈՒՔԻԱՍՅԱՆ
