Լրահոս
Օրվա լրահոսը

Արթուր Սաքունց. Ինչքան դեպքեր են տեղի ունենում, որոնց մասին մենք տեղյակ չենք լինում, քանի որ մահվան դեպքերով չեն ավարտվում… «Հայկական ժամանակ»

Փետրվար 13,2020 13:20

ՀԺ-ն ուսումնասիրեց փետրվարի 1-12-ը ներառյալ ՀՀ ՊՆ եւ ԱՀ ՊԲ տրամադրած տվյալների հիման վրա՝ զինծառայության հետ կապված մահացությունների թիվը, ըստ այդմ եղել է 6 մահ։ Փետրվարի 7-ին Սյունիքի մարզի զորամասերից մեկի պահպանության տեղամասում 4 զինծառայող մնացել են ձնահյուսի տակ, 3-ը (Տիգրան Արզումանյան, Կարապետ Նազարյան, Նվեր Շահբազյան) մահացել են։

Փետրվարի 9-ին ԱՀ ՊԲ հարավային ուղղությամբ տեղակայված զորամասերից մեկում, նախնական տվյալներով, հանկարծամահ է եղել զինծառայող Վալերի Պետրոսյանը։

Երեկ՝ փետրվարի 12-ին ՊԲ հարավարեւելյան ուղղությամբ տեղակայված զորամասերից մեկի պահպանության տեղամասում, դեռեւս չպարզված հանգամանքներում, մահացու հրազենային վիրավորում է ստացել զինծառայող Տիգրան Մանվելյանը։

Նույն օրը ՊԲ հարավային ուղղությամբ տեղակայված զորամասերից մեկի պահպանության տեղամասում, դեռեւս չպարզված հանգամանքներում, մահացու հրազենային վիրավորում է ստացել ՊԲ զինծառայող Տիգրան Մխոյանը։

Այսինքն՝ 2019 թ. հունվար-փետրվարին ծառայության հետ կապված դեպքերով ՀՀ ԶՈԻ-ում եւ ԱՀ ՊԲ-ում եղել է 4 մահ, իսկ 2020 թ. հունվարի 1-ից մինչ փետրվարի 12-ը՝ 10-ը։

Իրավապաշտպան Արթուր Սաքունցը զինծառայողների մահվան դեպքերի աճը պայմանավորում է զինվորական կարգապահության եւ կանոնադրական հարաբերությունների ոչ պատշաճ կատարմամբ, որը ըստ նրա՝ պայմանավորված է սպաների անբավարար աշխատանքով։ «Զինվորները պետք է ունենան իրենց ծառայողական պարտականությունների ցանկը, որոնցով պետք է զբաղվեն։ Այդ ամենը պետք է իրականացվի սպաների մշակած ծրագրերով։ Եթե այդ ամենը չի արվում կամ պատշաճ հետեւողականություն չի ցուցաբերվում, բնականաբար լինում են այսպիսի տխուր հետեւանքներ։ Ինչքան դեպքեր են տեղի ունենում, որոնց մասին մենք տեղյակ չենք լինում, քանի որ մահվան դեպքերով չեն ավարտվում… ԳՇ պետ, պաշտպանության նախարար, ընդհուպ մինչեւ վերջին սպան՝ անելիք ունեն այստեղ»։

Նիկոլայ ԱՎԵՏԻՍՅԱՆ

Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2020
Երկ Երե Չոր Հնգ Ուրբ Շաբ Կիր
« Հուն   Մար »
 12
3456789
10111213141516
17181920212223
242526272829