«Իրազեկ քաղաքացիների միավորում» ՀԿ-ի դիտորդներն աշխատել են Արցախի hանրապետության բոլոր 8 տարածքային ընտրական հանձնաժողովներում`ընտրական գործընթացի սկզբից մինչեւ վերջ, հետեւել են բոլոր տեղամասերից պարկերի ստացմանը: Այս մասին քիչ առաջ լրագրողների հետ զրույցում ասաց «Իրազեկ քաղաքացիների միավորում» ՀԿ-ի ղեկավար Դանիել Իոաննիսյանը:
Մարտակերտի շրջանից բացի, մնացած ընտրատարածքների աղյուսակավորումները հրապարակված են: Մարտակերտում առանձնահատուկ խնդիր չկա, այն բոլոր պարագաները, որոնք պարկի մեջ պետք է դրվեին, շփոթմունք է տեղի ունեցել եւ քանի որ հարցի եւ ֆորմալ կողմը պետք է պահվի եւ թափանցիկությունն ապահովվի`գործընթացը մի փոքր դանդաղում է:
«Ընդհանուր առմամբ, արդեն ակնհայտ է, աղյուսակավորումները գալին են վկայելու, որ նախագահական ընտրություններն առաջին փուլով ավարտված չեն, եւ, ամենայն հավանականությամբ, կլինի երկրորդ փուլ»,- եզրակացնում է Դանիել Իոաննիսյանը:
Նա քիչ հավանական սցենար է համարում, որ Մարտակերտի արդյունքների ամփոփումով կտրուկ տեղաշարժ լինի, թեեւ նկատում է, որ շատ փոքր է տարբերությունը, բայց այդ տարբերությունը կա: Այսինքն, թեկնածուներից ոչ ոք 50 տոկոս ձայն չի հավաքել:
Կարդացեք նաև
Ինչ վերաբերում է խորհրդարանական ընտրություններին, Դանիել Իոաննիսյանն ասաց, որ տվյալները կամփոփեն եւ եզրակացություն կներկայացնեն մի քանի ժամ անց`մամուլի ասուլիսում:
Նելլի ԳՐԻԳՈՐՅԱՆ
Լուսանկարը՝ Իրազեկ քաղաքացիների միավորում – Union of Informed Citizens
