Եվրամիությունը սատարում է ՄԱԿ-ի գլխավոր քարտուղար Անտոնիո Գուտերեշի` համաշխարհային հրադադար հաստատելու կոչը`պայմանավորված կորոնավիրուսի համավարակի տարածմամբ: Այս մասին ասվում է ԵՄ-ի տարածած հայտարարության մեջ:
«Գլոբալ համավարակի դեմ պայքարը, որն այսքան շատ կյանքեր է խլում և մարտահրավեր նետում մեր հասարակությունների գործունեությանը, աննախադեպ մարտահրավեր է, որ պահանջում է գլոբալ միասնականություն, համագործակցություն, համերաշխություն և կարեկցանք: Մարտահրավերները, որոնց աշխարհը բախվել էր նախքան վիրուսի բռնկումը, շարունակում են մնալ: Համավարակն ըստ ամենայնի կսրի դրանցից մի քանիսը:
Հիմա, ավելի քան երբևէ, ժամանակն է համաձայնության գալ համաշխարհային հրադադարի շուրջ, դադարեցնել զինված հակամարտությունները, ինչպես նաև անհապաղ դադարեցնել մարտերը… Մենք աշխարհի ցանկացած կետում հակամարտող կողմերին կոչ ենք անում ջանքեր գործադրել` քաղաքական լուծում գտնելու համար»,-ասվում է հայտարարություն մեջ:
Եվրամիությունը շեշտել է, որ եկել է միջազգային համերաշխության ժամանակը, ուտի պետք է ամբողջ էներգիան և ռեսուրսներն ուղղել աշխարհի համար ընդհանուր դարձած մարտահրավերի` կորոնավիրուսի դեմ, ժամանակն է կենտրոնանալ գլոբալ առողջության վրա: Հայտարարության մեջ նաև ընդգծվում է, որ պատժամիջոցները չպետք է խոչընդոտեն կորոնավիրուսի դեմ պայքարի համար անհրաժեշտ սարքավորումների և նյութերի առաքմանը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
