Բարձրագույն դատական խորհրդի անդամ Հայկ Հովհաննիսյանը ֆեյսբուքյան տեսաուղերձում վստահեցրեց, որ եթե դատական համակարգն արդյունավետ աշխատեր, բավականին մեծ գումարներ կարող էին այսօր լինել բյուջեում:
Նա մանրամասնեց. «Հիմա բոլորս մտածում ենք՝ որտեղից գումար հայթայթել, որ մեր առաջնային խնդիրները լուծենք՝ երեխաներ, ծնողներ, դեղեր, կոմունալ վարձեր: Հաշվարկ արեցի, տեսա, եթե մեր դատական համակարգն ավելի արդյունավետ աշխատեր, այսօր դատական վեճերում սառած բազմաթիվ գումարներ, ակտիվներ կան, դրանք հասնում են գրեթե մեկ միլիարդ դոլարի և գուցե ավելի, ու եթե ավելի արագ, արդյունավետ մենք աշխատեինք, այդ գումարները կվերադարձվեին, տնտեսություն կմտնեին, կմտնեին բյուջե: Իմ հաշվարկներով՝ մոտ մեկ միլիոն աղքատներ ունենք, և ամեն ընտանիքի մենք կկարողանային երեք-չորս հարյուր դոլար գումար հատկացնել, որ մարդիկ իրենց կարիքները հոգային: Պիտի ձգտեինք ամեն ընտանիքի տասը հազար դոլար գումար հատկացնել, իսկ սրանք զուտ խոսքեր չեն, այլ դրանց կարելի էր հասնել»:
Տաթև ՀԱՐՈՒԹՅՈՒՆՅԱՆ
Կարդացեք նաև
