Առողջապահության նախարար Արսեն Թորոսյանն անդրադառնալով տնային պայմաններում կորոնավիրուսի բուժմանն ու հարցին՝ արդյոք կառավարությունը պատրաստվո՞ւմ է փոխհատուցել այդ մարդկանց բուժման ծախսերն, ասաց, որ թոքաբորբի բուժման ժամանակ ներառված է այնպիսի դեղորայք, որը մատչելի է եւ կարիք չկա դրանից դուրս այլ դեղեր գնել:
«Եթե իսկապես այլ դեղերի կարիք կա, ապա այդ քաղաքացին չպետք է բուժվի տանը, պետք տեղափոխվի հիվանդանոց: Բուժման պրոտոկոլի մեջ ներառված դեղերի մի մասը, հատկապես այնպիսի դեղեր, որոնք հարաբերականորեն ավելի թանկ են, թեեւ դրանք մի քանի հազարի շրջանակում են, իրականացրել ենք կենտրոնացված գնում եւ բաշխել ենք, բոլոր պոլիկլինիկական համակարգերին»,-ասաց նախարարը՝ «Արմենպրես»-ի մամուլի սրահում հրավիրված ասուլիսին:
Նա նաեւ նշեց՝ շատ քաղաքացիներ, որոնց մոտ դրական ախտորոշում կա, ընդհանրապես բուժման կարիք չունեն, պարզապես պետք է տանը մնան:
Կարդացեք նաև
Նելլի ԲԱԲԱՅԱՆ
