«Սուրբ է Հայաստանը, եւ չի կարող շան բերանում լինել, որովհետեւ այստեղ ապրում են պատասխանատու մարդիկ, այստեղ ապրում են մարդիկ, որոնք լավ են հասկանում, թե ինչ է նշանակում հայրենիք: Խնդրում եմ, որպեսզի մեր՝ շամշադինեցիներիս համար ձեր ջերմագին աղոթքներ առաքեք առ Աստված… Խոնարհումս բոլորին, խոնարհումս քաջարի, հաղթող եւ սուրբ, հերոս մեր բանակին: Մի պահ զգացողություն ունեցա, որ մենք բոլորս մի բռունցք դարձած՝ Աստված շրջում է մեր ողջ սահմանագծով եւ զորացնում բազուկը մեր զինվորների»,-ասաց տեր Աբել քահանա Քարտաշյանը՝ սահմանամերձ Մովսես գյուղի եկեղեցուց իրականացված աղոթքից հետո՝ ֆեյսբուքյան ուղիղ միացմամբ:
Ավելի վաղ նա նշել էր, որ մեր հայրենիքն ունի թշնամիներ, որոնք քարոզում են, որ զենք չպետք է վերցնել: Հոգեւորականը նրանց սատանայի վկաներ անվանեց. «Այդ սատանայի վկաները վխտում են մեր հայրենիքում եւ անդադար քարոզում են լիբերալիզմ՝ հոգեւոր առումով եւ հանդուրժողականություն ու զենք չվերցնել: Մենք` քրիստոնյաներս, շատ լավ գիտենք, թե ինչ է նշանակում ներանձնային եւ ազգամիջյան հարաբերությունները…
Քրիստոսի խոսքերը, որոնք ներանձնային հարաբերությունների մասին են, երբեք չենք տրանսֆորմացնում դեպի միջազգային հարաբերություններ: Սեփական տունը չպաշտպանող տղամարդը տղամարդ չէ: Սա հստակ է, եւ այսօր խնդրում եմ վերջացնենք շատ վտանգավոր պառակտությունները, որ կան մեր ազգում եւ մտածենք սահմանների ամրության եւ մեր երկրի խաղաղության մասին»: Հոգեւորականը նորից վստահեցրեց, որ սահմանին ամեն ինչ խաղաղ է:
Կարդացեք նաև
Gepostet von Միասին am Sonntag, 12. Juli 2020
Gepostet von Միասին am Sonntag, 12. Juli 2020
Գոհար ՀԱԿՈԲՅԱՆ
