Երիտասարդ գրող Վովա Արզումանյանի հեղինակությամբ լույս է տեսել «Բանակի տղան» գիրքը, որը նվիրված է Արցախի հերոս Արմենակ Ուրֆանյանի հիշատակին։ Հեղինակի էսսեները, էտյուդները, պատմվածքները, ինչպես նաև հրամանատարական կազմի և զինվորների հետ անցկացրած հարցազրույցները, որոնք կապված են հերոսի հետ, ներառված են այս գրքում ։
The author of ‘The Army Boy’ book dedicated to Urfanyan Vova Arzumanyan are guest in Tesaket press club
«Տեսակետ» ակումբում կայացած ասուլիսում Վովա Արզումանյանը ներողություն խնդրեց, որ Ուրֆանյանի մայրիկը` Համեստ Ներսիսյանը չի կարողացել մասնակցել ասուլիսին: Ասաց, որ նա ծանր է տարել, երբ օրեր առաջ կրկին պղծել էին Ապրիլյան քառօրյայի հերոսներ Արմենակ Ուրֆանյանի եւ Ռոբերտ Աբաջյանի շիրմաքարերը: Աբաջյանի մայրը դիմել էր իրավապահներին եւ պահանջել գտնել մեղավորներին:
The author of ‘The Army Boy’ book dedicated to Urfanyan Vova Arzumanyan are guest in Tesaket press club
«2016 թվականի ապրիլին Արմենակ Ուրֆանյանն ինձ համար դարձավ հայրենապաշտության չափանիշ.. Իսկապես, լեգենդար էր և՛ նրա մարդ տեսակը, և՛ զինվորական ուղին »,-նշեց Վովա Արզումանյանը եւ ներկայացրեց, թե ինչպես է ծնվել Ուրֆանյանի մասին գիրք գրելու գաղափարը:
Ասաց, որ գիրքը վերնագրել է «Բանակի տղան» նկատի ունենալով այն, որ մի անգամ Արմենակն իր մայրիկին ասել էր, թե այլեւս նրա տղան չէ, այլ բանակի տղան է: Վովա Արզումանյանը նշեց, որ գիրքը լույս է տեսել հաջորդ օրը, երբ Արցախի նախագահ Արայիկ Հարությունյանի հրամանագրով` Արմենակ Ուրֆանյանն արժանացել է Արցախի հերոսի կոչման:
Կարդացեք նաև
Վովա Արզումանյանը հավելեց, որ գիրքը կտարածվի Արցախի և Հայաստանի զորամասերում, ինչպես նաև դպրոցներում։
Գոհար ՀԱԿՈԲՅԱՆ
