Գյումրեցի բռնցքամարտիկ Հովհաննես Բաչկովը երեկ Դուբայում կայացած իր առաջին պրոֆեսիոնալ ութ ռաունդանոց մենամարտում մրցավարների միաձայն որոշմամբ հաղթել է IBO վարկածով աշխարհի չեմպիոն, վենեսուելացի Սամուել Գոնսալեսին:
Սիրողական բռնցքամարտի աշխարհի կրկնակի բրոնզե մեդալակիրն ու Եվրոպայի չեմպիոնը ռինգ է մտել Արցախին նվիրված երաժշտության հնչյունների ներքո, իսկ հաղթանակից հետո կրել է Հայաստանի եւ Արցախի Հանրապետության քարտեզով ու «Հայաստանի պաշտպան մեր անպարտելի զինվորներ, մենք կանգնած ենք ձեր կողքին» մակագրությամբ շապիկ:
Աշոտ ՀԱԿՈԲՅԱՆ


















































