Ստեփանակերտը հրադադարի ժամանակ ու հրետակոծությունից հետո (ֆոտոշարք)

Արցախում այսօր ժամը 12:00-ից հրադադար է, մայրաքաղաք Ստեփանակերտի փողոցներում մարդիկ շատ չէին, հիմնականում տղամարդիկ էին, ոմանք՝ փողոցներում կանգնած զրույց էին անում, պատերազմից էին խոսում, մի քանիսը կարեւոր նշանակության օբյեկտն էի նորոգում։

Չնայած հրադադարին, Ստեփանակերտում կյանքը շարունակվում է նկուղներում։ Դուրս չեն գալիս, տուն չեն գնում, չեն վստահում հակառակորդին։
Մի քանի շենքերի մոտ կանայք դուրս էին եկել նկուղներից, բայց մուտքից հեռու չէին գնում։ Դուրս էին եկել մաքուր օդ շնչելու, ինչպես իրենք էին ասում «արեւի երես տեսնելու»։
Մայրաքաղաքի տարբեր թաղամասերում ադրբեջանա-թուրքական հրետակոծությունից հետո ավերված շատ շենքեր կային, թաղի բնակիչներից եկել էին տեսնելու, թե ինչ վիճակ է բակում։

Կարդացեք նաև

Սուրեն Սահակյանը՝ Բայրաքթարը «զգետնելու» առաջարկության մասին․ «Հետաքրքիր նախագծեր կային, որոնք մեր պաշտպանողունակությունը անգամներով կբարձրացնեն»

• 20:20 04.11.2020

«Կանայք ոչ թե պետք է պայքարից հետ պահեն իրենց տղամարդկանց, որդիներին, այլ ընդհակառակը՝ պիտի թասիբը եռա». Նիկոլ Փաշինյան

• 21:12 26.10.2020

Դավիթ Բաբայան․«Թուրք-ադրբեջանական ահաբեկչական խմբերը փորձում են վնաս հասցնել ջրամբարին»

• 19:55 14.10.2020

Չնայած ավերված վիճակին, կոտրված պատուհաններին, «թարմ» լվացք էլ կար պարաններին։

Որոշ խանութներ էին արդեն բացվել, առեւտուր էլ կար։

Այսօր Ստեփանակերտ գնալու ճանապարհին, մինչեւ ժամը 12:00-ը Լաչինում մոտ երկու ժամ անդադար տագնապի ազդանշան էր տրվում, ոչ շատ հեռվում լսվում էին «դմփոցներ»։ Մարդիկ արդեն վտանգի ձայնն էլ անգիր են արել, ասում էին՝ ուժեղ «դմփոցը» ՀՕՊ-ի պատասխանն է։

Արցախցիներն, իհարկե, անհամբեր սպասում են, թե երբ է ավարտվելու պատերազմը, ուզում են վերադառնալ տուն, վերանորոգել, աշխատել, երեխաներին դպրոց, մանկապարտեզ ուղարկել ու խաղաղ ապրել։

Նելլի ԲԱԲԱՅԱՆ