Ազատության հրապարակում ԲՀԿ պատգամավորները կոչ են անում ողջ հայությանը միանալ: Միքայել Մելքումյանի խոսքով՝ սա կրիտիկական պահ է, Արցախը տվեցինք, շուտով տալու ենք նաեւ Հայաստանը, մենք չունենք հայրենիք որեւէ մեկին տալու:
Նաիրա Զոհրաբյանն ասաց. «Հենց նոր Արցախից ինձ զանգեց մի քաղաքացի, ասում է՝ հորս գերեզմանը քանդել եմ, հորս գերեզմանը գրկած՝ գալիս եմ Ազատության հրապարակ, որովհետեւ դավաճան Նիկոլը հանձնել է էն հողերը, որտեղ այդ երիտասարդի հոր գերեզմանն է: Դիմում եմ իրավապահ համակարգին, տղանե՛ր, ազատե՛ք Գագիկ Ծառուկյանին, բոլոր այն մարդկանց, ում հիմա տարել եք, մի՛ արեք: Նիկո՛լ, դու դեռ շանս ունես փրկվելու, հեռացի՛ր, ներողություն խնդրիր ու գնա, մի՛ կառչիր աթոռիցդ»:
Նաիրա Զոհրաբյանը հայտարարեց, որ որեւէ մեկը այստեղից չի գնալու, մինչեւ այստեղ չլինեն Ծառուկյանն ու մյուսները:
Կարդացեք նաև
Հռիփսիմե ՋԵԲԵՋՅԱՆ
